Duha na ka mga tawo ang kumpirmado nga napatay samtang 92 ang nasamaran sa paglaslas sang Typhoon Yagi sa China partikular na sa island province sang Hainan.
Suno sa local authorities, ang duha nga napatay kahapon ang nagikan sa Ding’an County samtang nakarecord naman sang 12 ka indibidwal nga nasamaran sa Wenchang City kag 80 man ang naparecord nga nasamaran sa Haikou.
Sang Biyernes, makaduha ka beses nag-landfall ang bagyo sa China nga una naglaslas sa Hainan antes nalab-ot sini ang Guangdong province.
Nasuspend naman ang mga klase sa eskwelahan sang Biyernes ang pila ka lugar sa southern China kalakip na ang Guangzhou, Shenzhen, kag Yangjiang samtang ginpaiway naman sang mga unibersidad ang pag-umpisa sang ila nga academic year.
Pila ka mga flights naman ang ginkanselar sa rehiyon bangud sa bagyo.
Kahapon, Sabado, naglandfall man ang Super Typhoon Yagi sa northern Vietnam partikular na sa Hai Phong kag Quang Ninh provinces.
May yara ini sang pagmadlos sang hangin nga masobra sa 149kmh suno sa National Centre for Hydro-Meteorological Forecasting.// Nag-evacuate naman ang yara sa halos 50 mil ka mga tawo nagikan sa coastal towns kag nagpadala na man ang gobyerno sang 450,000 military personnel para sa rescue operations.
Ginsuspend naman ang mga operasyon pila ka oras sa apat ka mga airports subong nga Sabado kalakip na sa Noi Bai sa Hanoi nga nagresulta sa kanselasyon sang 300 flights.
Kanselado naman ang mga klase sa eskwelahan sa 12 northern provinces kalakip na ang Hanoi.
