Duha patay kag madamo sang pilason matapos nga ginpaarakan sang luthang sang wala nakilal-an nga mga suspetsado sa sitio Ipil-Ipil, Brgy Mambulac, ciudad sang Silay, Negros Occidental, subong nga aga.
Sa imporamasyon nga nakuha sang Bombo News Team, ang mga biktima ang mga volunteers sang Team Ugyon nga nagatindog sa gwa sang isa ka balay nga ginakabig nga headquarters sang Grupo Asenso sang may naglabay nga van kag nagpaarak sang luthang.
Duha ang kumpirmado nga patay samtang madamo sang pilason nga gilayon gindala sa malapit nga ospital.
Sa interview sang Bombo Radyo sa mga nakawitness, gina-alegar nga si incumbent punong brgy Hazel Cordero ang driver sang van.
Gina-alegar man nga humalin pa kagab-i ginamonitor sang volunteers sang Team Ugyon ang hadquarters sang Team Asenso sa gina-alegar nga may vote buying.
