Duha pilason, kalakip ang isa ka bata, matapos magbunggo ang pickup truck sa barracks sang pulis sa Talisay City

Duha ang pilason kalakip na ang isa ka bata matapos mabunggo ang pick up truck sa barracks sang pulis sa Mabini Highway, Brgy Zone 15, Talisay City, kahapon sang hapon.

Sa interview sang Bombo Radyo Bacolod kay Police Major Rhazl Jim Jocson, Deputy Chief of Police sang Talisay City Police Station, nabunggoan sang pickup truck ang isa ka tricycle nga nagapark sa kilid sang dalan kun sa diin nagasakay ang isa ka bata.

Suno diri, bangod sa impact, nagtabog ang bata nga nag-agom sang mga pilas kag gilayon nga gindala sa ospital samtang nagbaliskad naman ang pickup truck.

Suno kay Jocson, napiyongan ang driver sang salakyan bangod humalin sang kaagahon pa ang byahe sini halin sa Iloilo.