Naghugpaas ang isa ka drone sang Russia sa isa ka apartment building sa Romania, nga isa ka myembro sang military alliance nga North Atlantic Treaty Organization (NATO).
Santo sa Romanian General Inspectorate for Emergency Situations, naglupok ang bug-os nga explosive payload sang drone nga nagtuga sang dako nga sunog sa building kag duha ka indibidwal nga pilason.
Natabo ang insidente kahapon, Mayo 29, sa may bahin sa border sang Ukraine.
Gilayon ini nga ginkondenar sang Foreign Ministry sang Romania kag gintinawag nga isa ka seryoso kag agresibo nga tikang naggikan sa Russian Federation.
Kasunod sang insidente, gilayon nga nagpatagwag sang emergency meeting si Romanian President Nicusor San sa Supreme Council of National Defense.
Nagpatuman ang konseho sang mga nagakaigo nga tikang batok sa Russia epektibo kahapon alas-11:00 sang aga (local time).
Gindeklarar man sang presidente sang Romania nga ang Russian Federation ang responsable sa natabo.
