Ginpahayag sang station commander sang Bacolod Police Station 2 nga nadiskubrehan nila sa ila nga ginpatigayon nga verification nga duha sa 22 ka mga pangalan ang mga aktibo nga nagatrabaho sa city government bilang job orders.
Sa interview sang Bombo Radyo Bacolod kay Police Captain Jonito Pastrana, ang isa nga natumod nga mga empleyado sang city government ang mismo nagtuad sa mga kapulisan sa ginpatigayon nga dialogue sang Bacolod Police Station 2 sa barangay hall sang Barangay 2 samtang ang isa naman ang nakita sa data nga ginhatag sang city drugs abuse council.
Ang mga pangalan sang duha ang ginhatag na sa city drug abuse council kag ini naman ang magapasa sa human resource management office sang Bacolod City Government para sa nagakaigo nga tikang.
Samtang ang duha ka utod nga kamot ang nagapabilin sa punerarya kag ginahulat nila nga may maclaim sini.
Ginpahayag man ni Pastrana nga ginmonitor man nila ang mga punerarya kag wala man sang mga bangkay nga wala sang kamot.
Suno pa diri si alyas RR nga katapo sang Bacolod Police Station 2 nga nalakip sa ¼ size bondpaper ang intel kag anti-drug operative sang nasambit nga police station ang subject for validation sang police headquarters kag mismo ini ang willing man nga imbestigahan.
Suno kay Pastrana naglibog man ang ulo sini nga kun paano ang isa ka police corporal ukon police staff sergeant ang ginapahayag nga protektor sa mga aktibidad nga may kaangtanan sa illegal nga druga.
Suno sa station commander nga kaunfair lang nga nadalahig ang nasambit nga personnel nga nagatrabaho lamang ini para sa pamilya kag sa karun ang nagaschooling para sa promotion.
