Duha sa mga na-missing sa Brgy Vista Alegre, Bacolod City ang may mga kaso santo sa background checking sang Bacolod Police Station 7.
Sa interview sang Bombo Radyo kay Police Captain Andy Ofalia, station commander sang Bacolod Police Station 7, nagpalapit si Tricia Antiquera sa ila estasyon para magreport sa tatlo sini ka himata nga namissing.
Suno kay Tricia, Hunyo 2, alas- 9:30 sang gab-i, ulihi nga nakit-an sa Barangay Vista Alegre ang iya iloy nga si Loreville Antiquera, live- in partner sang iya iloy nga si Joen Villacojer kag ang iya nga live-in partner nga si Junel Nangan, nga lunsay mga residente sang Brgy Mansilingan, Bacolod City.
Ang tatlo ka namissing ang nagasakay sa duha ka motorsiklo sang may nagpundo nga taxi nga ila gin-updan.
Sa backgroud checking sa tatlo ka namissing, si Loreville Antiquera ang nakasohan sadto bilang isa ka fixer samtang ang isa naman sa duha ka lalaki ang tatlo na ka beses nga napreso sa nagkalain-lain nga Bureau of Jail Management and Penology (BJMP) sa kaangtanan sini sa illegal nga druga.
Sa karun, wala sa gihapon nakit-an ang tatlo ka namissing.
