Ginabanta nga duha tubtob walo ka mga tropical cyclones ang posible nga maform ukon magsulod sa Philippine Area of Responsibility humalin Enero tubtob Hunyo 2025.
Ang mga bulan sang Enero, Pebrero, Marso kag Abril ang posible magdala sang tag-isa ka bagyo samtang ginalauman naman nga may isa ukon duha ka mga disturbances sa Mayo kag Hunyo.
Ang mga bulan sang Enero tubtob Mayo ang ginakonsiderar nga isa ka quiet period sa bahin sang tropical cyclone activity sa Western North Pacific Ocean basin, kun sa diin nalocate ang Pilipinas.
Sang 2024, may yara sang 17 ka mga bagyo sa sulod sang Philippine area of responsibility, anum ang asod-asod nga naglaslas sa Northern Luzon sa sulod lamang sang apat ka semana nga ginalakipan sang Severe Tropical Storm Kristine, Super Typhoon Leon, Typhoon Marce, Typhoon Nika, Typhoon Ofel, kag Super Typhoon Pepito.
