Isa ka Chinese nga babayi nga nautdan sang nawala nga dulunggan sa aksidente sa trabaho, temporaryo nga ginpilit ang iya dulunggan sa tiil sa sulod sang lima ka bulan antes ini ginpaidalum sa surgery para mabalik.
Ang babayi nagatrabaho bilang factory worker sa Shandong, China kun sa diin aksidente nga ginlamon sang makina ang iya buhok tubtob nga nakakas ang iya dulunggan kag napilas ang iya ulo kag gamay nga bahin sang iya guya.
Suno sa mga doktor, indi gilayon mabalik ang iya dulunggan bangod sa damage sa blood vessels.
Agud mapataas ang tsansa para sa successful reattachment, kinahanglan pa nga mapanami ang kondisyon sang dulunggan.
Ginpili nila nga temporaryo nga ipilit ang dulunggan sini sa iya tiil bangod ang panit sa area manipis kag ang blood vessels kaangay sa diameter sa dulunggan.
Sa sulod sang lima ka bulan, ang dulunggan sang babayi yara sa iya tiil amo nga halog nga sapatos lang ang ginasuksuk sini kag nagalakat ini sang mahinay para sa blood circulation.
Matapos ang pila ka bulan, natigayon na nga nabalik ang dulunggan sang babayi sa orihinal sini nga lugar apisar nga wala nangin mahapos ang surgery.
