Nagtaliwan kahapon ang bise alkalde sang Dumaguete City matapos nga nagpakigbahin sa bike for a cause.
Sa impormasyon nga nakuha sang Bombo Radyo, si Dumaguete City Vice Mayor Allan Gel Cordova ang nagtaliwan kahapon sang aga.
Ang 53 anyos nga bise alkalde ang pila sa mga bikers nga nagpakigbahin sa charity bike ride, nga sponsored sang 302nd Infantry Brigade of the Philippine Army halin sa Tanjay City padulong sa Dumaguete City.
![](https://img.bomboradyo.com/bacolod/2021/05/VICE-MAYOR-ALLAN-GEL-CORDOVA.jpg)
Suno sa kaupod nga fellow biker sang bise alkalde nga hinali lang ini nga nagcollapsed kag nahulog sa iya bike sang sila ang naka-abot sa Dumaguete City.
Gindeklarar man ini nga dead on arrival matapos nga gindala sa malapit nga provincial hospital.
Nahibaluan nga COVID-19 survivor man si Cordova.
Si Cordova ang valedictorian sang Philippine Military Academy.
Nagsulod ini sa United States Military Academy sa West Point, New York, kun sa diin nakuha ang economics degree in 1989.
Natapos ang law studies sa Silliman University sang 2003 kag nangin practicing lawyer kag educator.