-- ADVERTISEMENT --
Nagdangat sa P800, 000.00 ang balor sang kahalitan nga gintuga sang pagkasunog sang dump truck sa Circumferential Road, Barangay Taculing, Bacolod City.
Suno kay Ramelo Bawan, helper sa dump truck, padulong sila sa Sagay City agud ideliver kuntani ang aspalto apang pag-abot sa nasambit nga lugar, ginpauntat niya ang driver bangud may yara sang nag-aso.
Ginbasyahan niya pa ini sang tubig apang wala nagakapatay ang kalayo.
Suno kay Bawan, nagpanaog sila bangud nag-amat amat na sunog ang truck.
Ginalantaw nga sa likod sang driver nag-umpisa ang kalayo.
-- ADVERTISEMENT --
Sa karun padayon man ang imbestigasyon sang Bacolod City Fire Station kun ano ang ginhalinan sang kalayo nga nagtuga sang sunog.
