Duta sang Provincial Government sa Talisay City, gin-offer nga mahamtangan sang government offices para sa NIR

Gintanyag sang probinsya sang Negros Occidental ang propedad nga ginapanag-iyahan sini sa brgy Matab-ang, Talisay City para patindogan sang opisina sang ahensya sang gobyerno para sa Negros Island Region.

Sang Huwebes, ginpatigayon ang first coordination meeting sang NIR directors sa provincial capitol.

Suno kay Provincial Administrator Rayfrando Diaz, gin-offer sang probinsya ang duta sa ciudad sang Talisay nga mahimo patindugan sang government offices.

Suno diri, willing ang probinsya nga magdevelop sang duta nga pabutangan sang dalan kag supply sang tubig kag kuryente kun may yara sang luyag nga magbaton sang offer.

Sa karun wala pa man sang may nagpabutyag sang interes.