Gintindugan sang abogado nga supporter ni former President Rodrigo Duterte nga sala ang ginhimo nga pagpa-aresto sang International Criminal Court sa anay Presidente.
Sa interview sang Bombo Radyo Bacolod kay Atty John Deles, indi ini kabahin sa mga nag-organisar sang candle lighting event sa Bacolod City Government Center, siya ang nag-upod matapos makita ang post sa social media para sa event agud ipakita ang pagsuporta sa kay Duterte.
Bilang abogado, nakita sini nga nakapagkit sa Article 59 Section 2 sang Rome Statute, nga amo ang ginabasehan sang ICC, nga sa pagserbe sang warrant of arrest, ang gin-aresto ang dapat una nga dal-on sa competent judicial authority sang pungsod ukon sa Korte Suprema kun diri sa Pilipinas.
Isa pa sa wala nasunod amo ang paagi sang pagserbe sang warrant of arrest kun sa diin wala ginhatagan pagrespeto ang arresting state kag ang deretso sini bulang tawo kaangay sang paghatag sang lawyer of choice kag medication.
Suno kay Deles, may abogado man nga ginpaupod kay Duterte apang ang iban ang wala ginpaupod samtang sang magrequest sang medication ang doktor ni Duterte, ini ang wala man gilayon ginhatag.
Panindugan ni Deles nga wala nasunod sang ICC ang ila man mismo nga rules.
Ini ang mga nakita ni Deles nga lapses, rasun nga siya ang nag-upod sa pagprotesta.
Suno diri, kun ang ICC ang mapamatud-an nga nagbayolar sang ila nga rules, dapat nga ibalik sa Pilipinas si Duterte para sa proper procedure.
Dugang pa sang abogado nga 2018, nagpabalo na ang Pilipinas nga magahalin sa ICC, kag makaligad sang isa ka tuig 2019, ini ang aplikable na.
Apang ang ICC prosecutor ang naghulag lamang sang nagreklamo ang panel prosecutor sang 2021, kun sa diin wala na sang jurisdiction ang ICC sa Pilipinas.
