BACOLOD CITY – Napabilib kag saludo si Pangulong Rodrigo Duterte sa mga taga-Bacolod bangud sa madinalag-on nga MassKara Festival.
Sa iya nga pagbisita sa ciudad kagab-i, ginpahayag sini nga gintinguhaan niya nga masaksihan ang festival bangud luyag sini nga makit-an ang mga tao sa likod sang matahom nga maskara.
Todo pagdayaw ini sa mga Bacoleño bangud ang MassKara Festival suno sa iya ang simbolo sang “resilience” sang mga tawo sa madamo nga krisis na gin-agyan sang ciudad halin sang una, kaangay sang natabo sa industriya sang kalamay.
Ini man ang rason suno sa presidente kun ngaa ginbansagan nga “City of Smiles” ang Bacolod bangud masami nga nagayuhom ang mga tawo.
Aminado si Duterte nga madamo ang bisita sa ciudad bangud ang maduagon nga maskara ang padayon nga nagaganyat sa bilog nga kalibutan.
Kadungan sini, gindayaw sang presidente ang mga opisyal sa pagtinguha na mangin madinalag-on ang aktibidad kag nagpanawagan man sa tanan nga batuan ang anuman nga problema sang ciudad.
“Ani ako subong kasi gusto kong makita behind the mask is the beautiful people of Bacolod. Pangutana kamo kung bilib ako, bilid ako ah. You know, Bacolod, I was still a mayor noon, suffered the most serious economic deep. Pababa talaga yong sugar. With the artificial syrup. And still you were able to celebrate and as a matter of fact invented an event that could bring comfort and maybe consolation to the depressed emotions of the Negrenses before. Kaya bilib ako sa inyo at saludo ako.”, pahayag ni Duterte.
