BACOLOD CITY — Nag-apelar si Presidente Rodrigo Duterte sa mga taga-Bacolod kag Negros Occidental kag sa tanan nga mga Pilipino nga preparahan ang pamahog sang terorismo.
Sa speech ni Duterte kadungan sang iya nga pagbisita sa Bacolod agud saksihan ang MassKara Festival, ginpahayag sini nga wala sini ginapahog ang pumuluyo.
Apang dapat nga preparahan sang kada isa ang anuman nga hitabo bangud mahimo magluntad bisan diin ang terorismo.
Nagalaom man ini nga indi magluntad sa Visayas ang nagluntad sa Mindanao ilabi na ang sa ciudad sang Marawi.
Wala man sini nalimtan ang mga suldado nga nakigbato sa mga terorista agud mahilway ang Marawi nga suno diri maswerte sila bangud indi tanan ang nahatagan sang kahigayunan nga mapatay para sa pungsod.
Nahibaluan nga pito ka beses na nga nagbisita si Duterte sa Marawi gani nga ginpasalamatan sini ang mga suldado nga nakig-engkwentro sa Maute terror group.
Kadungan sini, liwat nga nag-apela ang presidente sa mga miyembro sang Communist Party of the Philippines – New People’s Army ukon CPP-NPA nga untatan na ang inaway.
Suno kay Duterte, ang mga Pilipino man mismo ang nagapatyanay sa sulod sang 50 ka tuig.
Panindugan sang presidente, ginapatay sang mga rebelde ang mga suldado bisan nakasibilyan ang mga ini.
“I’d like to remind the country that problems never ceased to visit the planet Earth. It’s not only the Philippines. With the seige that happened in Marawi… I’m not trying to scare you but let just be prepared for any eventuality. Terrorism is everywhere and no nation has escaped from the clutches of the evil of the ISIS. It’s an ideology that is dedicated to just kill human beings and destroy the places,” pahayag ni Duterte.
