Duty schedule sang BTAO personnel wala changes sa pihak sang tuman kainit nga panahon

Wala sang pagbag-o sa schedule sang trabaho sang Bacolod Traffic Authority Office sa karun nga nagaka-eksperyensyahan ang mataas nga heat index.

Sa interview sang Bombo Radyo Bacolod kay Patrick Lacson, pinuno sang BTAO, wala sang pagbag-o sa schedule sang traffic enforcers apang nagrequest na ini sang additional nga bottled water para sa mga enforcers.

Suno diri, kun matawhay lang man ang lakat sang trapiko mahimo lang makapahandong ang enforcer kag kun duha naman ang nadestino sa isa ka area sila ang makabulos-bulos sa pagderiher sang trapiko.

Halos physically fit man ang tanan nga empleyado kag wala sang may alarming nga balatian.