Wala nangin upang para sa 17 anyos nga si Kate Jasmine Eleja ang sakit sini nga dwarfism sa pagpadayon sang pagtuon.
Sa interview sang Bombo Radyo kay Eleja ukon mas kilala bilang Baby Face sang probinsya sang Negros Occidental, ginadul-ong ini kag ginasugat sang iya lola sa pag-eskwela bilang Grade 11 student sa Colegio San Agustin – Bacolod.
Suno diri, nalakip ini sa dance group sa ila eskwelahan kag masami man ini nga magsaot kaupod ang iya tiyo.
Gin-ako man ni Eleja nga naanad na ini sa mga nagkalain-lain nga reaction gikan sa mga tawo sa palibot niya apang wala naman sini ginasapak.
Pahayag sini, padayon lang ang iya nga pagtutok sa pag-eskwela sa kurso nga Accountancy, Business and Management (ABM) strand.
Mensahe ni Eleja, ‘always think positive’ kag ‘be confident’ lang gid sa tanan nga tion.
