Narecover ang balor P3.4 million nga suspected shabu sa duha ka mga high value individual sa ginpatigayon nga drug buybust operation sa Purok Kabuhi, Barangay 10, Bacolod City alas-5:53 kaina sang aga.
Ang mga suspects ang ginkilala nga sanday John Bombita, 29 anyos, single, e-bike driver kag Ellan Ocno, 36 anyos, single, construction worker lunsay mga residente sang Barangay 10.
Ang operasyon ang ginpatigayon sang City Drug Enforcment Unit sang Bacolod City Police Office upod sa Bacolod Maritime Police Station.
Narecover sa duha ang lima ka bugkos sang plastic nga naga-unod sang suspected shabu kag 17 ka sachet sang suspected shabu kalakip ang buybust item.
Ang ginapatihan illegal nga droga ang may kabug-aton nga tunga sa kilo kag may standard drug price nga P3.4 million.
