Ginlunsyar kahapon ang E-kiosk sang Office of the Building Official – Bacolod City agud malikwan ang face-to-face transactions sa opisina.
Suno kay Bacolod City Mayor Greg Gasataya, ang paggamit sang E-kiosk mas mahapos kag makabulig nga malikawan ang mga indi insakto nga mga practices sa pagprocess sang mga transaction sa OBO.
May yara sang ginbutang nga machine sa OBO nga gamiton sa pagprocess sang transactions kaangay sang buildling permit, occupancy permit kag iban pa.
Sa pagprocess, may yara sang iprocess online agud makakuha sang QR code.
Kasunod sini, magpadulong sa OBO kag sa machine may yara sang dapat nga ifill-up nga form.
May yara sang ihatag nga resibo ang machine kag QR code nga dapat ipilit sa mga dokumento nga ginarequire.
Idagdag lamang ang mga dokumento sa box nga ginbutang sa window sang OBO kag mahimo nga balikan kun natapos na ang proseso sa sulod sang tatlo tubtob pito ka adlaw.
Pahayag ni Gasataya, indi lamang matabo sa OBO ang no contact policy kun may transaction sa Bacolod City Government Center bangod ini ang patigayonon man sa iban nga opisina sa city hall.
