Iga-institutionalize na sang Commission on Elections ang early voting hours sa maabot nga Barangay and Sangguniang Kabataan elections sa Disyembre.
Suno kay COMELEC Chairman George Garcia, bangud wala pa sang layi ang ginaduso nila nga isa ka semana nga makaboto na dapat ang mga senior citizens, Person with Disabilities kag ang mga nagabusong, ipatuman lang ang early voting hours.
Suno kay Garcia, nakasaad sa layi nga ang pagboto sa a Barangay and Sangguniang Kabataan ang halin sa alas 7:00 ang takna sa aga tubtob alas 3:00 lamang ang takna sa hapon.
Suno diri, ila padayunon ang pagpatuman sang early voting hours nga alas 5:00 ang takna sa kaagahon tubtob alas 7:00 ang takna sa aga.
Sa nakaligad 2025 Midterm elections sang Mayo 12 nagdangat sa 4.3 million nga mga pumuluyo ang nakapulos sa early voting.
