Nagapabilin ang findings sang Bacolod City Fire Station nga ignition sa battery nga ginasaksakan sang gadgets ang nagtuga sang kalayo nga nagresulta sa sunog sa Purok Magnolia, Barangay 7, Bacolod City sang Hwebes sang gab-i.
Sa kabug-usan, 27 ka mga balay ang natupok samtang duha naman ang partially-burned bangud sa sunog nga nagsugod sa balay ni Richard Benjamin.
Suno kay Fire Chief Insp. Stephen Jardeleza, fire marshal sang Bacolod City Fire Station, do-it-yourself nga gadgets ang nagresulta sa ignition sa battery sa diin ini nakatakod tubtub nga nagtuhaw ang kalayo nga naglamon sa bilog nga balay kag naglaton sa iban.
Suno kay Jardeleza, ginkuha nila ang ebidensya kag ginpadala sa national headquarters para sa analysis.
P350,000 ang balor sang halit nga ginbilin sang sunog bangud may formula nga ginasunod ang BFP sa pagtumod sini, ilabi na nga human sa light materials ang mga balay.
