Nagadugang ang pagkabalaka sa Democratic Republic of Congo matapos magpaandam ang World Health Organization (WHO) nga mas dasig ang paglapta sang Ebola outbreak sangsa ginalauman
Nagdangat na sa 131 ka tawo ang ginbawian sang kabuhi samtang yara naman sa masobra 500 ka kaso ang narecord sa nasambit nga pungsod.
Suno sa mga residente sa Ituri province, ang sentro sang outbreak, ginapatihan nga madasig ang kamatayon sang mga nahawaan sang virus.
Bangud sa kahadlok, madamo na sang nagahimo sang doble nga paghalong kaangay sang masami nga paghugas sang kamot, samtang nagapanawagan sang dugang nga suplay sang face masks.
Nagpaandam naman ang mga kaso kag kun kulang ang impormasyon kag kapasidad sang mga ospital.
Ginpahayag man sang WHO nga posible mas madamo pa ang matuod nga numero sang mga kaso kag posible yara na ini sa kapin 1,000 cases santo sa ila nga research.
Sa karon, wala pa gihapon sang bakuna batok sa strain sang Ebola nga tuga sang outbreak.
Nahibaluan nga naghugot man ang boarder screening sa pila ka mga pungsod sa Africa samtang ginsirado naman sang Rwanda ang boarder sini sa Congo.
Padayon naman ang pagpakig-angot sang WHO sa mga lokal na panguluhan agud mapunggan ang pagbulto sang mga kaso.
