Kapin sa 80 porsyento na sang economic highway sa ciudad sang Bacolod ang naconstruct samtang may yara pa sang mga informal settlers nga apektado.
Suno kay Assistant District Engr. Engr Leah Jamero, sang Department of Public Works and Highways, indi pa matumod kun san-o mahuman ang econcomic road bangod may yara sang area nga may right of way excuse kag mga informal settlers nga apektado.
Suno diri, ila naman naestruya ang mga residente kag posible nga sila mahatagan sang masayluhan agud maclear ang area para sa tayuyon nga construction.
Ginalantaw naman sini nga posible nga mahuman ang economic road sa tuig 2024 ukon 2025.
Sa karun, kapin sa 20 ka kilometro na ang nahuman kag lima ka kilometro na lang ang nabilin nga I-construct amo ang sa Barangay Vista Alegre kag Barangay Granada.
Ang ini nga proyekto ang magalabay sa Barangays Sum-ag, Cabug, Felisa, Handumanan, Mansilingan, Vista Alegre, Granada, Mandalagan, Estefania kag Brgy Bata.
Kag ini maga-agi sa circumferential road sa Talisay, Silay padulong sa Victiorias.
