Gin-athag sang political analyst nga dako nga butang ang Presidential Debate sa US Presidential Elections.
Sa interview sang Bombo Radyo Bacolod kay Atty. Jomax Ortiz, ang Presidential Debate ang talaksan sang abilidad sang nagapapili sa pagka-Presidente.
Sa 1st Presidental Debate para sa 2024 US Presidential Election, dako ang papel sang edad kun sa diin si President Joe Biden, 81 anyos, ang nagasungaw na ang tingog gani bisan husto kag yara sa kamatuoran ang argumento sini, ini ang nagakadulaan sang pwersa.
Sa pihak nga bahin, maayo naman ang postura ni former President Donald Trump kag makita nga ini ang preparado gid sa debate.
Aminado si Ortiz nga llamado gid si Trump sa subong nga eleksyon, apang nagapati ini nga indi man islan sang Democtrats si Biden.
Suno diri, hinali nga magdaog si Trump, ini ang ikaduha sa maragtas sang Estados Unidos nga makaduha nga magpungko bilang Presidente.
Apang siya man ang mangin labing una nga presidente nga convicted, nga kabahin man sa nagapaduhaduha sa mga botante bangod sa kahangawa nga ini ang mapriso kag indi makapungko sa pwesto.
Panindugan naman Trump, nga natabo ang gyera sa Ukrain, Israel kag konflikto sa West Philippine Sea bangod sa indi husto nga mga desisyon ni Biden.
Isa man sa ginbatikos sini ang pagsulod sang madamo nga mga immigrants gikan sa border sang Mexico, nga dugang nga nagapalala sa ila ekonomiya sang Estados Unidos./
Sa paglantaw ni Ortiz, makita sa debate ang gamay nga posibilidad sang senyales sang alzheimer’s kay Biden, gani ginakahangaw-an nga kun ini ang magadaog mahimo nga maglala nagid ang problema makaligad sang duha pa ka tuig sa pagpungko sa pwesto.
Apang bangod nga hugot ang pagsalig sang mga americans sa ila mga kandidato, nagapati si Ortiz nga Biden Vs Trump gihapon ang maga-atubangay sa Nobyembre.
