EJ Obiena, gin-umpisahan ang iya indoor pole vault season sa pag-2nd place sa International Jump Meeting Cottbus sa Germany

Ginbuksan ni EJ Obiena ang iya indoor pole vault season sang makuha sini ang second place sa International Jump Meeting Cottbus sa Lausitz-Arena sa Germany.

Naclear ni Obiena ang 5.65 clearance kasunod kay Sam Kendricks sang United States nga nagpanguna sa competition.

Naclear sang Filipino pole vaulter ang 5.40, 5.55, kag 5.65 bars sa isa lang ka attempt kag ginskip sini ang 5.70 apang napaslawan ini sa 5.75 meters sa tatlo ka attempt.

Third place naman si Bo Kanda Lita Baehre sang Germany nga nakaclear man sang 5.65 meters sa one attempt apang tubtob sa two attempts ini sang natapos ang 5.55 meters.

Ini ang una nga competition ni Obiena humalin sang ginkansela sini ang 2024 season bangod sa back injury.