Nagaapelar ang elections officer sang Bacolod City nga sa punong barangay sa ciudad nga indi pag-abusaron ang pagpanagtag sang barangay certification nga ginagamit sa pagparehistro sa Commission on Elections.
Suno kay Atty. Kathrina Trinio Caña, indi buot silingon nga ginapahanugutan sang Comelec ang barangay ID kag barangay certificate bilang valid proof of identification, abusuhon na ini bangud may mga nagadakpan ang poll body nga mga kabataan nga nagapresentar sang barangay ID apang sa lain naman nagapuyo ang ginikanan.
Suno sa iya, may mga pamatan-on nga nagahimo sini bangud sila ang ginahagad kag ginapromisahan nga paeskwelahon.
May iban man nga nasaylo na sa relocation site apang ginagamit gihapon ang barangay nga ila ginhalinan bilang address.
Nagapanugyan si Cania sa mga opisyales sang barangay nga kun sin-o lamang ang nagakadapat, amu lamang ang issue-han sang barangay ID agud malikawan ang hakutay.
Ginpahayag man sini nga sa pila sa mga sattelite registration, nagasugod lamang ang problema kun may mga nagasulsol sa mga menor-de-edad nga aplikante kag nagagamo ang pila.
Suno diri, sa karun may yara sang masobra 6,000 ka mga aplikante nga subject pa para sa Election Registration Board (ERB) hearing.
