Nagalaom ang election officer sa syudad sang Bacolod nga makahatag ang Local Government Unit sang ila nga maplastaran agud mangin presentable man ang opisina sang Commission on Elections sa syudad sang Bacolod.
Sa interview sang Bombo Radyo Bacolod kay Atty. Kathrina Trinio Caña, ang filing sang certificate of candidacy sa mga luyag nga magpadalagan para sa Barangay and Sangguniang Kabataan Elections ang natalana sa August 28 tubtob September 2, halin alas 8:00 ang takna sa aga tubtob alas 5:00 ang takna sa hapon kag wala na sang extension.
Suno kay Caña, sa Robinsons Mall sila magapatigayon sang filing sang certificate of candidacy kag indi sa ila nga opisina agud may yara sang lugar kun sa diin maakomodar ang mga luyag magfile sang COC.
Ginpahayag man sini nga may yara sang natalana renovation sa ila nga opisina apang tubtob sa karun wala man naumpisahan.
Suno diri, may nagpahayag man nga ibutang ang ila nga opisina sa Old City Hall sang Bacolod City.
Ang LGU man ang magahatag sang maplastaran sang opisina sang Commission on Elections santo man sa nakasaad local government code.
Samtang, sa pihak nga bahin, magapatigayon man ang COMELEC sang trainings sa mga manunudlo nga magaserbe sa adlaw sang Barangay and SK Elections nga natalana sa September 8 apang ginasiguro man sang COMELEC nga indi man maistorbo ang klase sang mga igatrain nga mga manunudlo.
Sa syudad sang Bacolod may yara sang 908 clustered precints kun sa diin nagakinahang sang tatlo ka personnel sa tagsa ka precinto gani mahimo nga magadangat sa 2,724 ka mga manunudlo ang kinahanglan nga itrain.
Suno kay Cana, indi man sang COMELEC pagtingbon ang pagtraining sa mga ini agud nga masiguro ang efficiency kag effectivity sang training.
Ginalantaw man nga kuhaon nga magaserbe para sa BSKE ang nakaagi na serbe na sa nakaligad nga election.
Samtang, sa tion nga makafile na sang COC ang mga kandidato, diri man mahibaluan kun sin-o ang m
