Ginalauman nga maga-abot sa Holy Week ang election paraphernalia sa Negros Island Region nga gamiton para sa midterm elections.
Suno kay Commission on Election – Negros Island Region Director Atty. Lionel Marco Castillano, nakaschedule nga maabot sa Abril 17 kag 18 ang election paraphernalia kag Automated Counting Machine (ACM).
Suno diri, ang para sa Negros Occidental ang maga-abot sa ciudad sang Bacolod, ang para sa Negros Oriental ang maga-abot sa ciudad sang Dumaguete kag maabot man ang para sa Siquijor.
Ang tanan nga election paraphernalia kag ACMs ang iga-deposit anay sa bodega nga gin-arkila sang COMELEC kag ini ang pagabantayan sang kapulisan sa sulod 24 oras tubtob sa adlaw sang eleksyon.
Samtang, ang official ballots naman ang ginalauman nga maabot isa ka semana antes ang eleksyon.
Suno kay Castillano, dungan tanan nga ipanagtag ang election paraphernalia, ACMs, kag balota sa tanan nga Local Governent Units apang dapat pa ini istekyar agud mahatag ang insakto nga balota sa kada LGU.
