Ginalantaw sang convenor sang Kontra Daya nga tuman ang dinayaay kag iregularidad sa bag-o lamang natapos nga May 9 local and national elections.
Sa interview sang Bombo Radyo kay Professor Danilo Arao, sa ila obserbasyon madamo sang mga natabo nga aberiya bangud napulo ka mga Vote Counting Machines (VCMs) ang ginpang-islan.
Suno kay Arao, ang natabo ang indi dapat pagpabay-an lang bangud nakita sang mga ini nga madamo na ang mga VCM nga temprano palang ginpang-islan na.
Ginalantaw man sini nga gintransmit na ang mga election returns apisar nga wala pa ang iban nakaboto bangud ang ila nga grupo ang may gina-assist pa nga botante agud makaboto alas 12:00 sang tungang gab-i.
Suno kay Arao dapat ang transmission sang mga Election Returns ang simultaneous.
Ginalantaw man sini nga ang una nga pagpagwa sang Media sang transmission result ang isa ka mechanism sang mind conditioning.
Ginpahayag man sini nga madamo sa karun sang mga pamangkot sa proseso sang eleksyon nga dapat sabton sang COMELEC.
Nagapati man si Arao nga wala sang glitch apisar nga may yara sang pagbrown-out sa pila ka bahin sang Pilipinas sa adlaw sang piniliay.
Suno kay Arao, wala ginahambalan sa karun ang pagrespeto sang will sang mga tawo bangud una pa lang nakompromiso na ini paagi sa level sang disinformation, denialism, redtagging kag iban pa.
