Ginkumpirmar sang Deputy Fire Marshal sang Bacolod City Fire Station nga “electrical ignition” bangod sa arcing ang ginhalinan sang kalayo nga nagresulta sa sunog sa 16th street, purok Magnolia, barangay 7, Bacolod City, alas- 11:20 kaina sang udto.
Sa interview sang Bombo Radyo kay Fire Inspector Jemarie Tapiru, nag-umpisa ang sunog sa balay ni Larry Pereulo kun sa diin ang ila nga electrical outlet ang may nakasaksak nga cord.
Suno diri, wala sang may nabilin nga tawo sa balay ni Perwelo bangud yara ini sa isa nila ka ginaparentahan nga puluy-an sa Purok Magnolia sang natabo ang insidente.
Suno kay Tapiru, 26 ka structure ang nasunog, 21 ang totally damaged samtang lima naman ang partially damaged kun sa diin 71 ka pamilya ukon 179 ka indibidwal ang apektado.
Dugang pa, may duha naman ka indibidwal ang nasamaran.
Pahayag sini, ginanbanta yara sa P520, 000 ang balor sang halit sang sunog.
