Nagdangat sa P14,000 ang halit ang ginbilin sang sunog nga nagluntad sa Purok Roxas Village, Barangay Tangub, Bacolod City, kahapon, Pebrero 11 sang aga.
Sa interview sang Bombo Radyo Bacolod kay Fire Officer 2 Rollin Paulan, Chief Fire Investigator, Bacolod City Fire Station, sa ila imbestigasyon, duha ka balay ang nasunog kun sa diin ang isa totally damaged samtang ang isa ang partially damaged.
Suno kay Paulan, nagsugod ang kalayo sa southwest portion sang balay ni Edgardo Asplico kag ang ginasuspetsuhan nga ginhalin sang kalayo amo ang electrical ignition bangud sa overloading.
Suno pa diri, may yara man isa nga nasamaran kun sa diin nakaangkon sang second degree burn si Asplico sa pisngi sini bangud may ginbalik ini sa iya balay.
Nagpanawagan man ini sa publiko nga likawan ang Octopus connections kag wire tappings agud nga malikawan ang insidente sang sunog.
