Ginhighlight sang palaabuton nga Earth Hour 2022 ang kinahanglan nga magdesisyon para sa palaabuton nga national elections.
Ang mga Filipinos ang dapat magpili sang mga pinuno nga magaresponde actively sa dual challenge sang climate change kag biodiversity loss sa masunod nga anum ka tuig.
Ang diskusyun tuhoy sa World Wide Fund for Nature-Philippines’ (WWF-PH) Shape Our Future: The Countdown to Earth Hour 2022 Virtual Roundtable ang matabo sa Marso 26, alas 7:30 sang gab-i tubtob alas 8:30 sang gab-i kag pagaistoryahan ang tuhoy sa mga issues sa environment nga dapat focusan sang masunod nga set sang mga pinuno.
Ang tinuig nga selebrasyon sang pagpatay suga ang iga-obserbar humalin alas 8:30 sang gab-i tubtob alas 9:30 sang gab-i sa Pilipinas.
Ang pagdiskusyon tuhoy sa climate change kag nagalala nga sitwasyon sang kalibutan bilang dako nga isyu sang pungsod ang pagapangunahan ni Earth Hour Philippines National Director Atty. Angela Consuelo Ibay, kaupod ang iban pa nga mga panelists.
May thema nga “Shape our future,” ang environmental movement ang nagalaom nga mangin platform agud ma-engganyo kag mamobilize ang mga collective nga mga tikang para sa palibot paagi sa pagtudlo kag paghatag inspirasyon sa kadam-an, ilabi na sa mga government leaders, nga maghimo sang tikang para sa palibot kag klima.
