Ginpatigayon kaina ang pagpili sang presidente sang Sangguniang Kabataan Federation sang ciudad sang Bacolod.
Sa interview sang Bombo Radyo kay Department of the Interior and Local Government (DILG)- Bacolod City Director Maria Joy Marideth Madayag, natapos na ang orientation para sa mga SK chairman kag SK kagawad kag kaina ginpatigayon ang pagpili sang bag -o nga presidente sang Sangguniang Kabataan Federation.
Suno diri, may yara sang election committee nga nagserbe para sa pagpili.
Nagpatigayon man kaina sang orientation sa mga pagsulondan, obligasyon kag trabaho sang SK federation.
Pahayag ni Madayag, iya ginalauman nga ang matuod nga sentimento sang SK chairperson ang magpanginbabaw para sa kaayohan sang mga pamatan-on.
Samtang, subong nga semana gina-ekspektaran ang pag-abot sang guidelines para sa mga Punong Barangay kag Barangay.
