Estafa kag breach of contract ang complaint nga ginfile batok kay Elias Linucan Jr. ukon mas kilala bilang si Elias J. TV.
Ini ginfile sang iya manager nga si Beverly Pumicpic Labadlabad bangod sa mga unpaid commission kag pagbaton sang shows sang singer kag banda sini nga wala ginpahibalo kag ginlisensya sa iya.
Si Elias ang reggae singer kag popular social media personality halin sa Mindanao.
Suno kay Beverly, duha ka semana na nga nagdirect collect si Elias kag ang banda sa ila kliyente kag wala sang may ginturnover nga kwarta si Elias sa management.
Mahibaluan nga P1.7 million ang kwarta nga ginasukot kay Elias kag handa na ini magfile sang complaint sa korte sa masunod nga semana.
Suno kay Beverly, nag-umpisa ang talent-manager relationship nila ni Elias sang Abril 2, 2025 apang naglas-ay ang ila pag-updanay nga suno diri ginaselosan siya ni Abegail Cariquitan, ang live-in partner ni Elias.
Sang Hunyo 10 may yara sang guesting si Elias apang wala ini nagsakay sa eroplano bangod wala ini ginpahanugotan ni Abegail kag may isa pa gid ini kun tani nga guesting nga wala niya man ginpadulongan bangod mas ginpili sang singer nga magtulog.
Apang, mas naglala ang tensyon sang nagpadulong sanday Elias kag ang miyembro sang banda kaupod ang ila abogado sa Regional Trial Court sang Kidapawan City para sa nullity sang kontrata nila kay Beverly.
Nagfile sila sang complaint nga “Declaration of nullity of contract and /or cancellation of contract, accounting, damages and attorney’s fees with prayer for issuance of TRO and/ or preliminary injuction” batok kay Beverly.
Samtang, may natalana nga patigayonon nga tour si Elias sa Estados Unidos sa masunod nga semana apang sa nagakatabo sa karun ginakakulbaan nga magkaproblema ang concert sini sa Amerika.
