Ginsabat sang aktres nga si Ellen Adarna ang komento sang mga netizens sa post sang mga laragway nga kuha sa first birthday sang iya anak nga si Lili.
Sa mga laragway sang selebrasyon nga gin-post sa social media, ginpamangkot sang mga netizens kon ngaa ‘absent’ wala kakadto ang amay nga si Derek Ramsay sa kaadlawan sang anak.
Suno naman kay Ellen, ginpadal-an man niya sang imbetasyon ang amay apang wala ini nakahibalo kun ngaa wala ini nagkadto.
Sa pihak nga bahin, sang Oktubre 22, una man nga nag-post sa iya Instagram si Derek nga nagapanamyaw sa kaadlawan sang iya anak nga gintawag pa niya nga si ‘Lilyput’.
Apisar nga wala pa sang kumpirmasyon sang ila pagbulagay, nagbaskog naman ang huring-huring nga nagtapos na ang relasyon sang duha sang ginkakas na ni Ellen ang apilyedo nga Ramsay sa iya Instagram account sang damlag lang.
