Madamo sang mga mag-asawa ukon partners nga nabudlayan makabata gani pila sa mga ini ang nagagamit sang science method agud nga makaangkon sang anak.
Kaangay lamang sang lapsag nga ginpangalanan nga si Thaddeus Daniel Pierce, ginbun-ag sadtong Hulyo 26 kag ang embryo nga gingamit ang ginhimo kag ginbutang sa cryopreservation sadtong 1994.
Ang embryo ang naka-cryopreserve sa sulod sang 30-taon antes ini “in-adopt” sa Estados Unidos kag ginbun-ag sang mag-asawa nga sanday Lindsey kag Tim Pierce nga taga-Ohio nga pito ka tuig nga nagatinguha nga magkabata.
Suno sa report, ang embryo ang nagikan kay Linda Archerd, nga 62-anyos na sa karun.
Sang 1994, nagpaidalom ini sa in vitro fertilization (IVF) kag naghimo sang apat ka embryo.
Isa sini ang gingamit kag ginbun-ag niya sa karun ang 30 anyos na.
Ang mga nabilin nga embryo kalakip ang gingamit para kay Thaddeus ang ginpreserve.
Nagakahulugan lamang ini nga ang bag-ong bun-ag nga si Thaddeus ang may yara sang biological nga utod nga nagaedad sang 30 anyos nga magulang sa iya.
