Kun sa iban nga kompanya ginadayaw ang empleyado nga wala nagaka-late sa trabaho.
Apang ang 22-anyos nga babayi nga empleyado sa Spain ang ginkakas matapos tuman ka aga magsulod sa trabaho.
Naga-abot siya sa opisina alas-6:45 sang aga nga mas temprano sa iya nga 7:30 A.M. shift.
Nahibaluan nga makapila na nga beses gin-warningan ang nasambit nga employee halin pa sang 2023.
Bangud sa padayon sini nga pagsupak, ginkakas siya sa trabaho bangud sa ginapahayag nga serious misconduct.
Suno sa manager, ang early-bird routine sang empleyado ang wala nakabulig sa kumpanya kag nagapakita sang katig-ahon sang iya nga ulo kag pagsupak sa mga mando.
Matapos makakas sa pwesto, nagdangop ang Spanish office employee sa Social Court of Alicante kag ginpanindugan nga ang iya dismissal ang indi justifiable.
Apang mas ginpanigan sang korte ang management bangud ginapahayag ginpawalaan sini ang multiple verbal kag written warnings.
Luwas sa 19 early arrivals sini, naga log in siya sa company app antes paman maka-abot sa opisina.
Gin-akusaran man siya sang kumpanya nga nagabaligya sang used company car battery nga wala sang permiso.
Para sa korte, makabig ini nga pattern of disloyalty sang empleyado.
Sa ginpaggwa nga ruling, ang dismmisal sini ang indi bangud sa “excessive punctuality” kundi sa pagsupak kag wala pagsunod sa workplace rules nga isa ka paglapas sa Article 54 sang Spanish Workers’ Statute.
