Isa ka empleyado sang Corazon Locsin Montelibano Memorial Regional Hospital ang nagpositibo sa Delta variant sang COVID-19 nga gindetect sang Philippine Genome Center.
Sa public advisory nga ginpagwa ni CLMMRH Medical Center Chief Dr. Julius Drilon, ang labing una nga kaso sang Delta variant sa nasambit nga ospital ang nagikan sa ila personnel nga ang specimen ang nalakip sa ginpasa PGC.
Liwat naman nga ginpaidalum sa swab test ang nasambit nga staff kag negatibo ini sa virus.
Gani nagapasalig si Drilon sa mga stakeholders nga nagahimo sang precautionary measures ang ospital kag naga-implementar sang safety interventions agud malikawan ang dugang nga transmission.
Nagpangabay man ini sa publiko nga indi magpanic apang padayon lang gihapon sa pagsunod sa mga health protocols kag likawan ang non-essential activities.
