Arestado ang isa ka empleyado sang gobyerno matapos nakuhaan sang illegal nga druga sa buybust operation nga ginpatigayon sang Talisay City Police Station sa Bangga Garita, Barangay Zone 14-A, Talisay City, takna alas 4:00 sang hapon kahapon.
Sa interview sang Bombo Radyo kay Police Lt. Marion Vicente Buenaflor, deputy chief of police sang Talisay City Police Station, ginkilala ang suspetsado kay Dennis Ciuson, 52 anyos, residente sang Purok Mariit sa nasambit nga barangay kag isa ka street level individual.
Nakuha sa iya paghinakop ang anum ka sachet sang suspected shabu nga nagabug-at sang duha ka gramos.
Ang nakumpiskar nga illegal nga druga ang ginabanta nagabug-at sang duha ka gramos kag may estimated market value nga P30,600.
Sa karun nakahunong ang suspetsado sa Talisay City Police Station kag natalana nga pasakaan sang kaso nga paglapas sa R.A. 9165 ukon Comprehensive Dangerous Drugs Act of 2002.
