Dakop ang isa ka government employee sang ciudad sang Cadiz sa drug buybust operation nga ginpatigayon sa Tonggoy St., Barangay Zone 5, Cadiz City, Negros Occidental kahapon sang hapon.
Ang suspetsado ang ginkilala kay Dheejay Franco alyas PJ, 37 anyos, single, isa ka government employee sa Cadiz City, residente sang Rizal St., sa nasambitan nga barangay.
Kabahin ini sa watchlist may kaangtanan sa iligal nga droga kag isa ka High Value Individual.
Narecover nagikan sa paghinakop sang suspetsado ang duha ka transparent plastic sachet sang suspected shabu kalakip na ang buybust item, isa ka P500 bill nga marked money, coin purse, improvised tooter nga may traces sang suspected shabu, isa ka lighter kag improvised carton pouch.
Ang iligal nga droga ang nagabug-at sang 0.3 grams kag nagabalor sang masobra sang P2,000.
Ang suspetsado ang yara na sa kustodiya sang Cadiz City Police Station kag natalana nga kasuhan.
