Ginpahayag sang isa sa empleyado sang biktima sa shooting incident sa Barangay 40, Bacolod City nga wala ini sang problema sa iya nga amo.
Ang biktima ang ginkilala nga si Michael Garcia.
Suno kay Arlyn Esparagosa, designer sang mga shop nga ginabuksan sang biktima, maayo nga amo ang biktima kag wala ini sang nakita nga problema.
Suno kay Esparagosa ang iya amo ang nagabakal sang franchise sang Bayad Center kag subong tani nga adlaw magabukas sila sang isa pa ka branch sang negosyo.
Ang biktima ang madamo na sang branches sa negosyo kalakip na sa Iloilo.
Ginpahayag man sini nga seryoso kag joker man ang ila amo.
Madugay naman ini nga nagatrabaho bilang designer kag wala man ini sang nahibaluan nga may yara sang pamahog sa kabuhi sang biktima.
Ang biktima kag pamilya sini ang nagapuyo sa ginarentahan nga propedad kun sa diin yara sa idalom ang negosyo sini nga computer solutions.
