Gin-appoint ni Bacolod City Mayor Albee Benitez ang empleyado sang Negros Occidental Provincial Capitol nga si Lucille Gelvolea bilang city administrator sang Bacolod.
Sa karon, si Gelvolea ang nagapungko nga pinuno sang Economic Enterprise Department sang Kapitolyo.
Si Gelvolea ang nagserbe man bilang officer-in-charge sang Office of the Provincial Administrator kag Office of the Provincial Agriculturist sang Negros Occidental.
Suno kay Benitez, nangin katrabaho niya si Gelvolea sang nagluntad ang COVID pandemic bilang miyembro sang Incident Management Team kag nangin consultant man ini sang city government.
Suno sa iya, ginpili niya si Gelvolea indi bangud sa color sa pulitika kundi ginbase ini sa iya nga qualifications, kaangay man sang iban nga mga department heads sa Bacolod City Government Center.
Bangud ginakabig ni Benitez ang iya kaugalingon bilang hands on mayor, luyag sini nga ipatuman ni Gelvolea ang iya mga luyag bilang alkalde.
Ginalantaw naman nga makasugod na si Gelvolea sang iya nga trabaho sa Disyembre 1, bangud may kinahanglan ini tapuson nga mga papeles bilang empleyado sang Kapitolyo probinsyal.
