Unconscious nga gindala sa ospital ang 20 anyos nga lalaki nga manugtakod sang mga signages sang telecommunications company matapos nga nakuryente sa Barangay 31, Bacolod City kaina sang aga.
Ginkilala ang biktima kay Jomel Dela Cruz, 20 anyos, residente sang Purok Mainabyanon, Barangay Sincang-Airport, Bacolod City.
Kapin alas 12:00 sang udto kaina nagsaka sa isa ka building ang biktima kaupod ang mga katrabaho sini agud nga magtakod sang signage sang telco apang nakasangit ang kalat sang signage nga gintunaan nga markuryente ang biktima.
Nakaagom sang sunog sa kamot kag tiil ang biktima.
Ginrespondehan ang insidente sang Special Rescue Force Negros Occidental sang Bureau of Fire Protection.
Sa karun yara na sa estable nga kondisyon si Dela Cruz.
