Nakasabat na si Department of Public Works and Highways Bacolod District Engineer Leah Jamero sa DPWH- Negros Island Region sa justification sa unit price sa kada solar pavement stud nga gin-install sa Lacson Street, Barangay Mandalagan, Bacolod City.
Madumduman nga temporaryo nga ginpauntat sang DPWH NIR ang ginpatigayon nga installation sang solar pavement stud bangod kinahanglan ni Jamero magpasa sang detailed justification kun tagpila ang bakal sa mga solar pavement stud santo sa bidding nga ginpatigayon.
Sa interview kay DPWH-NIR Assistant Regional Director Engr. Rodney Gustilo, ipaidalum pa sa further deliberation ang reply ni Jamero bangod indi sila kumbinsido sa sabat sini.
Suno diri, nakita sang departamento sa post sang Bombo Radyo Bacolod sa Facebook nga may ginpang-install nga solar pavement studs kag kasunod sini ginpadal-an si Jamero sang memo nga untaton anay ang installment kag nangayo sang justification sa unit price.
Suno kay Gustilo, indi materminate ang project bangod naglabay ini sa bidding kag ang pagterminate sang prokyekto maga-agi sa insakto nga proseso santo sa legal nga pamaagi.
