Nagluntad ang engkwentro sa tunga sang 79th Infantry Battalion sang Philippine Army kag gina-alegar mga remnants sang Northern Negros Front (NNF),Komiteng Rehiyon – Negros, Cebu, Bohol, Siquijor (KR-NCBS), sa Brgy Winaswasan, banwa sang Calatrava, Negros Occidental, kapin alas- 6:00 kaina sang aga.
Sa interview sang Bombo Radyo kay 1st Lt Dan Carlo Samoza, Civil Military Officer sang 79th IB, ginalantaw nga pito ka miyembro sang New Peoples Army ang naengkwentro sang 79th IB.
Ginpasalamatan sini ang tanan nga suporta sang mga pumuluyo kag suno diri wala na ginarespeto sang NPA ang komunidad sa pagdisregard sa human rights kag pagpatay sa mga nagtindog nga ginikanan bisan yara ang presensya sang mga kabataan.
Suno kay Samoza, ini ang nagapakita lamang nga wala sila nagasunod sa ila nga pahayag nga protektahan ang komunidad bangod sila ang nagapatigayon sang harassment kag threat sa palibot.
Ginkansela naman ang klase sa Brgy Cambayobo, Hilub-ang, Macasilao, Pantao, kag Winaswasan bangod sa nagluntad nga engkwentro sa Brgy Winaswasan.
