Nagluntad ang engkwentro sa tunga sang militar kag rebelede nga New People’s Army (NPA) sa Barangay Cambayobo, Calatrava, Negros Occidental kaina alas-8:45 sa aga.
Sa interview sang Bombo Radyo Bacolod kay Lt. Col. Arnel Calaoagan, commander sa 79th Infantry Battalion sang Philippine Army, sila ang nagpatigayon sang joint operation upod sa Negros Occidental Police Mobile Force Company sa paglagas sa mga remnants sang Northern Negros Front sang New People’s Army, kun sa diin sila ang naka-atubang sang kapin walo ka armado nga rebelde.
As of alas 12:00 ang takna kaina sang udto, nag-untad na ang pagbayluhanay sang lupok sa magtimbang nga bahin samtang wala naman sang nasamaran sa tropa sang gobyerno.
Suno kay Calaoagan nga malayo pa sa sentro sang ciudad ang Barangay Cambayobo kun sa diin natabo ang engkwentro.
Suno diri, ang mga armado amo man ang ginalantaw nga katapo sang NPA nga nagapatigayon sang mga shooting incident sang Disyembre nakaligad nga tuig.
Kalakip na ang nagluthang patay sa isa ka negosyante nga ginabanta 15 ka mga armado nga mga persona, nga sa kasunod nga semana, gin-ako man sang NPA nga sila ang responsible sa pagpatay.
Pahayag ni Calaoagan nga mga remnants na lamang sang Northern Negros Front ang ila nakasumpong bangod ang grupo ang nadismantle na sang 2021.
Kasunod sang serye sang mga pagpamatay sang mga rebelde, nagpatigayon man sang mga follow up operations ang mga militar nga nagresulta sa pagkabatun sang impormasyon tuhoy sa ila presensya sa Barangay Cambayobo.
