Ginpahayag ni anay Bulacan 1st District Assistant Engineer Brice Ericson Hernandez nga may mga Senador nga involvd sa anomalous flood control project.
Nalakip sa mga pangalan nga ginhambal sini amo ang pangalan nanday Senator Jinggoy Estrada kag Joel Villanueva.
Nalakip man sa ginpangalanan amo sanday anay DPWH 1st District Engineer Henry Alcantara kag Undersecretary Robert Bernardo.
Ini ginpahayag ni Hernandez sa hearing sang House Infrastructure Committee sa mga flood control project.
Nag-ayo ini nga kun mahimo indi na siya pag-ibalik sa Senate bangod may mga involved nga Senador diri.
Suno diri, nagabaton ang mga Senador sang 30 percent ‘SOP’ halin sa mga proyekto.
Pahayag ni Hernandez, sa ginhambal kahapon ni Senator Rodante Marcoleta nga indi matood nga safe na si Estrada bangod involved ini sa anomalous flood control project.
Samtang, ginhangkat naman ni Estrada si Hernandez nga magkuha sila nga duha sang lie detector test sa atubang sang publiko agud mahibaluan sang tanan kun sin-o ang nagahambal sang matood.
