Ginpahayag sang military coordination officer sang 79th Infantry Battalion sang Philippine nga kahapon sang udto, Enero 15, nag-untat na ang pagbaluhanay sang lupok sa tunga sang tropa sang gobyerno kag sang rebelde nga grupo sa sa Sitio Martesan, Brgy. Cambayobo, Calatrava, Negros Occidental.
Nagluntad ang engkwentro sa tunga sang militar kag rebelde kahapon sang aga kag nakaengkwentro sang tropa sang gobyerno ang remnants sang dismantled nga Northern Negros Front (NNF), Komiteng Rehiyon – Negros Cebu Bohol Siquijor (KR-NCBS).
Sa interview sang Bombo Radyo Bacolod kay Lt Dan Carlo Samoza, wala sang casualty sa tropa sang gobyerno apang nakita ang tinulo sang dugo sa encounter site padulong sa ginpalagyuhan sang New Peoples Army.
Samtang santo naman sa report, narekober sang mga militar sa encounter site ang isa ka cal. 30 garand rifle; isa ka carbine rifle; isa ka cal. 38 revolver; isa ka long kag isa ka short magazine sang carbine rifle; isa ka magazine sang garand rifle; duha ka rifle grenades; 21 ka bilog nga live ammunitions sang carbine rifle; lima ka live ammunitions sang garand rifle; duha ka live ammunitions sang caliber 38; isa ka bag pack; duha ka cellphones (keypad); isa ka handheld radio (baofeng); isa ka charger sang cellphone; isa ka charger sang handheld radio; duha ka pares sang butas; duha ka pares sang tsinelas; duha ka installed laminated sacks; lima ka kilo sang bugas; nabilin nga pagkaon, bulong, subersibo nga dokyumento nga may high intelligence value.
