Masobra 159,000 ka mga estudyante ang initial nga naenroll sa mga public schools sa probinsya sang Negros Occidental subong nga magabukas na ang School Year 2024-2025 bwas, Hulyo 29.
Sa data sang DepEd Schools Division of Negros Occidental, 159,347 enrollees ang narecord as of July 25.
Ini ang ginalakipan sang 88,724 nga enrolled sa elementary kag 70,623 sa secondary level.
Ang nasambit nga numero sang enrollees ang nagarepresentar sang malapit 50 percent sang enrollees sa tinalikdan nga school year nga nagadangat sa 325,000.
Aminado naman ini nga madamo pa ang late enrollees kada school year, ilabi na antes ang first quarter examination.
Indi pa man madeterminar kun may yara sang pagnubo ukon pagsaka sang numero sang enrolled students sa public schools bangud sa delay sa encoding.
