Nakuha sang entry sang estudyante nagikan sa University of Saint La Salle diri sa Bacolod ang award bilang Best Film sa Cinema Barrio Category sang CineMatahum, ang annual film festival sang University of the Philippines Visayas.
Ang Tililing: E-motion Sickness, directed by Dranreb Cimatu, ang nagbaton sang amo nga award kadungan sang awards night sang CineMatahum kagab-i, October 24.
Nakuha man sini ang best editing and best in cinematography.
Sa interview sang Bombo Radyo Bacolod kay Deianira Keshi Hirai, 4th year BA Communication and Media Studies student sa UP Visayas kag organizer sang festival sang tinalikdan nga tuig, nagsugod ang CineMatahum sang tuig 2022 agud nga mahatagan sang kahigayunan ang mga local filmmakers nga mashowcase ang ila abilidad sa paghimo sang pelikula.
Ini ang bukas sa mga estudyante sa mga unibersidad sa Visayan region samtang may separado man nga category para sa local filmmakers.
Subong nga tuig, masobra 40 ka entries ang ila nga nabaton nagikan sa Aklan, Capiz, Iloilo kag Negros.
Magapadulong naman sila diri sa Bacolod para sa screening sang winning films.
Suno kay Hirai, ang film festival ang natigayon paagi sa ginhugpong nga effort sang faculty kag mga estudyante sang UP Visayas gani siya ang nagapasalamat sa bilog nga team kag sa festival director nga si Professor Kevin Piamonte.
