Nagpanawagan ang pila ka mga environmentalist sa luyag nga mag-intra sa Panuba-Suba activity.
Sa interview sang Bombo Radyo kay Rich Mark Jonas, sang Group of Enviroment socialist Inc., ini maga-umpisa sa Hunyo 27 tubtob sa 28, halin sa Kapitan Ramon panaog sa Brgy E. Lopez sa ciudad sang Silay, Negros Occidental.
Suno diri, ang ini nga aktibidad ang kadungan man sa pagselebrar sang Philippine Environment Month.
Paagi sa Panuba-Suba activity mahatagan sang kahigayunan ang mga participants nga ma-experience nga mag-trek sa mga suba kag ma-edukar sa importansya sang suba.
May yara man sila sang workshop kag open forum para madiscuss ang ila nga activity sa komunidad.
Nagpanawagan man ini sa tanan nga ipanginbato nga mauntat na ang pagpatindog sang mga illegal structures sa mga bukid kag sa mga suba kasubong man nga untaton ang indi husto nga paghaboy sang basura bangod ini makahalit, indi lamang sa suba, apang kasubong man sa bukid kag sa baybayon.
Samtang, suno kay Tim Oliver Man sang Green Alert Network Inc, dapat nga halongan ang suba nga amo ang source sang ginakuhaan sang tubig nga mainom.
Suno diri, kun sa karun may nagaka-eksperyensyahan nga kakulangan sang supply, mas malala pa gid ini kun ginapabay-an ang suba.
